Imbutaktak ni Senator Panfilo Lacson nga adda iti binilbilyon a balor dagiti “distinct” insertions iti 2026 National Expenditure Program (NEP).
Sigun kenni Lacson, ti saan a bumaba iti ₱51.82 billion nga insertion ket nailatang para iti flood management program idiay Metro Manila,Region 1 wenno Ilocos Region, Region 2 wenno Cagayan Valley, ken Region 3 wenno ti Central Luzon.
Kabayatan ti briefing iti Development Budget Coordination Committee, imbinsa-binsa ni Lacson dagiti pagdudua-anna a proyekto a pakairamanan iti 88 items nga addaan iti ₱13.2 billion a pakabuklan a balor; 373 items nga addaan iti ₱37.3 billion a balor; ken ti 11 items nga addaan met iti pakabuklan a balor a ₱1.32 billion.
Innayon ni Lacson a dagitoy ket “coded budget” nu sadino, nailanaden nu siasino ti mangiggem kadagiti proyekto.
Malaksid iti dayta, adu kadagiti nadakamat a proyekto ti awanan kadagiti stationing wenno umno a lokasyon a patien ti senador a maysa a pakakitaan a dagitoy ket ghost projects.
Mainaig iti dayta,panggep ni Lacson nga ipare-align ti nasao nga insertion kadagiti programa maitunos iti Philippine Medium-Term Development Plan.
Nagnumwanda metten kenni Senate Finance Committee Chairman Senador Sherwin Gatchalian nga ikkaten dagiti nasao a pondo a maatap a naaramat laeng kadagiti mapagdudua-an a proyekto.
