Dinayyeg ti magnitude 6.7 a ginggined to Bogo City idiay Cebu itay laeng 9:59 pm, September 30,2025.
Maibasar iti rekord ti Philippine Institute of Volcanology and Seismology (PHIVOLCS) addaan daytoy iti kauneg a 10 km rason a napasaran metlaeng kadagiti kabangibang a lugar ti epekto daytoy pakairamanan ti San Fernando, Cebu ken sadiay Laoang, Northern Samar.
Malaksid iti dayta, napasaran manen ti 5.0 magnitude a ginggined sadiay iti 10:24 itay metlaeng.
Gapu iti dayta, nangitunda daytoy iti panagcollapsed dagiti sumagmamano a paset ti Archdiocesan Shrine sadiay Daanbantayan, Cebu.
Nagresulta pay daytoy iti panagbakwit iti ruar dagiti pasyente ken staff iti Cebu City Medical Center ken iti Cebu Governor Pam Baricuatro.
Innayon pay ti Philippine Institute of Volcanology and Seismology (PHIVOLCS) a possible nga adda dagiti aftershocks daytoy rason a mabalbalakadan ti publiko a saan nga agpanic.
Kabayatanna, kinanselar ni Lapu-lapu City Mayor Cindi King Chan ti klase dagiti estudyante iti amin a lebel inton bigat tapno mangipatungpal dagiti otoridad iti safety inspection kadagiti pagadalan iti nasao a siudad.
