Natiliw ti maysa a bogus buyer kalpasan nga inreport ti maysa nga online seller iti PNP Anti-Cybercrime Group-Cordillera.
Nabigbig ti suspek a ni Jessiebel Pumeg-as, residente ti Old Lucban, Happy Homes, Baguio City.
Natiliw daytoy babaen iti entrapment operation dagiti kameng ti Cordilleran Cybercops itay nabiit.
Sigun iti biktima a ni Aiza Faye Fernandez, regular a kustomerna ti maatap a suspect iti online live selling nu sadinno namin ado a daras a nagorder daytoy ti bags.
Sigun iti biktima, nag-order ti suspek idi Oktubre 21 ti bulto ti assorted bags nga aggatad ti P6,900 kas downpayment.
Nangipatulod ti suspek ti bogus a proof of transaction.
Kabayatanna, awan ti naawat ti biktima a kwarta manipud iti suspek.
Innayon ti biktima a naudin idi nakitana a na-scam daytoy ti agarup P 23-K kalpasan ti namin sangapulo ket uppat a daras a transaction kenni Pumeg-as.
Nakabalod ita ti suspek iti Baguio City Jail ken sumango ti kaso nga Estafa.
