Inyunay-yunay ti City Health Services Office (CHSO) ti kina-epektibo ti generic drugs kagiddan ti panakarambak ti Generics Awareness Month.
Sigun kenni Faith Vanessa Kita-Ong, City Health Services Officer, agpada nga epektibo dagiti generic ken branded nga agas agsipud ta agpada ti active ingredients dagitoy nupay nababbaba ti presyo dagiti generic nga agas nu idilig iti branded nga agas.
“Generic drugs and branded drugs are of the same equivalence.Bakit ka pa bibili ng mas mahal na gamot e may counterpart naman na mas mababa which has the same effectivity and potency as with the branded medicines.”
Faith Vanessa Kita-Ong
Binallaagan met ni Kita-ong ti publiko nga aggatang iti agas kadagiti lisensiyado wenno accredited Pharmacy ken sari-sari stores tapno maliklikan dagiti bogus nga agas.
Innayon ti nasao nga opisyal a nasaysayaat nu damagen kadagiti pharmacists ti generic nga agas a katukad ti nairesita a branded nga agas tapno makalaka dagitoy iti presyo.//Bombo Genzel Depayso
