Ado ti nagreact iti memorable wenno kalalagip a kapadasan ni Catherine Franks, maysa nga speech therapist manipud Estados Unidos idi nagkallaysada iti asawana idi napan a tawen.
Saan laeng a maysa a daras a natalimudaw bayat ti seremonya ti kasarda nu di ket namin tallo a daras.
Kalpasan nga inbalikasna ti “I do” iti sangwanan ti altar ket natalimudaw daytoy
Gapu iti nalabes a pannakaulaw ni Catherine ket naitantan pailaeng ti seremonya.
Iti baet ti napasamak, naituloy ken naipalpas metlaeng ti kallaysada iti asawana a ni Alex Franks, maysa a mannursuro, idi naimunawan daytoy.
Iti tiktok video ni Catherine a nakaala ti rinibribu a views, inlawlawagna a natalimudaw daytoy gapu iti exhaustion ken dehydration nga intunda ti nabara a panawen.
“It was so hot on the altar with all the lights.”
Kalpasan ti seremonya ket inasitgan dagiti bisita ni Catherine tapno ammoen ti kasasaadna.
“Lots of people came up to me at the reception and asked if I was okay.”
Imbinglay ni Catherina a nagbalinen a running joke wenno maiyang-angaw iti pamilyada ti nasao a pasamak tunggal malaglagipda daytoy.
