Kidkiddawen dagiti sumagmamano a mamanmanday-linteg a mainayun iti naisingasing a 2025 badyet ti Bureau of Fire Protection ti panakagatang kadagiti firefighting helicopters, iti baet ti umad-adu nga insidente ti uram iti pagilian.
Sigun kenni Duke Frasco, Deputy Speaker ken Cebu lawmaker, 23% ti ngimmatuan dagiti insidente ti uram iti uneg laeng ti umuna a dua a bulan ti agdama a tawen, maysa kadagiti dakkel a parikot ti pagilian.
Innayon ni Frasco a rumbeng a maipaayan daytoy ti badyet tapno adadda a pumartak ti isasangpet dagiti bombero a mangresponde kadagiti uram, nangruna kadagiti banbantay ken tapno maliklikan ti pannakataktak dagitoy kadagiti trapiko gapu iti kinakurang ti firefighting gear, alikamen , ken lugan.
Kabayatanna, sigun iti Bureau of Fire Protection, kangatuan a bilang dagiti munisipyo nga awan ti fire truck ti Bangsamoro Autonomous Region iti Muslim Mindanao, sarunuen ti Eastern Visayas; Zamboanga Peninsula; Northern Mindanao; ken ti Cordillera Autonomous Region.
