Posible a maipasdek ti cable car system iti siudad ti Baguio, sigun iti Department of Transportation (DOTr).
Kasaruno ti panagpinnirma ti memorandum of understanding ti Bases Conversion and Development Authority ken Japan-based company Zip Infrastructure Co. Ltd. itay laeng nabiit.
Panggep ti katulagan a maadal ti posible a cable car system a maawagan a Zippar.
Ti “zipper” daytoy ket maipasdek iti Camp John Hay.
Sigun kenni DOTr Secretary Jaime Bautista, mapadas ti “zippar” wenno “self-driven cable cars” iti siudad ti Baguio nu sadinno, posible a maaramat daytoy tapno mabaliwan ti urban public transport iti siudad.
Ngem inlawlawagna a kasapulan nga unnaenda nga aramiden dagiti kasapulan a panagadal.
Patien ni Bautista ti posibilidad a pannakaadaptar ti Zippar iti “highly congested” a lugar a kas ti Metro Manila.
Innayon pay ti nasao nga opisial nga apaman a mamintinir ti inobasion ti public transportation iti siudad, posible a maragpat dagiti naikari a pagimbagan dagiti proyekto.
