--Ads--

Impakaamo ti pamilya ni Board Member District 2 Manny Ediong Fermin a ti rason iti ipupusay daytoy ket gapu iti Myocardial Infarction- Cardiogenic Shock (high output heart failure) wenno cardiac arrest.

Ni Fermin ket pimmusay idi Hulyo 26, 2025 iti oras ti 2:59 ti malem iti Kapangan District Hospital.

Gapu iti dayta, ado nga opisyales kas kenni Congressman Eric Go Yap, Governor Melchor Diclas ken daduma pay, kasta met dagiti residente ti nangiyebkas iti panakipagladingitda iti pamilya daytoy.

Iti agdama, nakamansayag ti bangkay ni Fermin sadiay Bakawatan, Baguingey, Pongayan, Kapangan.

Para iti aldaw ti panakaitabon-na, manamnama nga iwaragwag to ti pamilya daytoy.

Maipalagip a ni Fermin ket nagrugi kas SK President, nagserbi a three term mayor sakbay a nagbalin a board member.

Saan met a malipatan ti nagbalin a wagas ni Fermin iti panagkampanyana ken panagyamanna idi naglabas a 2025 National ken local midterm elections babaen iti mismo a panag-iggemna iti tarpaulin daytoy iti igid ti kalsada.