--Ads--
Nagbalin a maaksyon ti umuna a panagsango ti Indiana Pacers ken Boston Celtics sa Eastern Conference Finals.
Daytoy ket kalpasan a nag-overtime ti ay-ayam gapu iti agresibo a performance ti dua a bunggoy.
Iti rugrugi gamin ket lamang a dagus ti Celtics ti 34-31 ngem nakasubbot met ti Pacers iti maikadua a kwarter ti ay-ayam.
Nakaiserrek ni Jayson Tatum ti 36 a puntos bayat a sangapulo ket lima a puntos met kenni Derrick White para iti Celtics.
Nakailista met da Tyrese Haliburton ti 25 points ken Pascal Siakam ti 24 points para iti Pacers.
Nupay kasta, naala ti Celtics ti buena mano a pangabak babaen iti 133-128 nga iskor.
