Kinumpiskar dagiti otoridad idiay Japan ti Chinese fishing boat ken inarestarda ti agmanmaeobra wenno ti kapitan daytoy idi Huwebes, February 12.
Sigun iti fisheries agency ti Japan, pinadas a pinasardeng ti Japanese fisheries inspector ti nasao a vessel para iti panakasukimat daytoy ngem saan a nagtulnog ken intultuloy daytoy ti naglayag.
Daytoy ti kaunaan a gundaway a napasamak ti nasao nga insidente sipud idi 2022 nu sadino kinumpiskar metlaeng ti Japan ti sabali manen a Chinese fishing boat.
Kabayatanna, idi 2024 sabali pay a foreign fishing vessels ti sinalangad ti Japan pakairamanan ti maysa a Taiwanese ken maysa a South Korean.
Ti maseknan nga ahensya iti Japan ket kanayon a mangipatpatungpal iti on-board inspections ken daduma pay nga operasyon kadagiti kabaybayan wenno ta-aw a masakupan daytoy.//Rob
