BAGUIO CITY – Nalinis ti City Camp Lagoon iti agdama kasaruno ti impatungpal dagitoy a panagdalus iti baet ti panagtudtudo na idi napalpalabas nga aldaw.
Iti interview ti Bombo Radyo kenni Boying Cominga, Kapitan ti Barangay Lower Rock Quarry, adda ladta ti basura nga agturturong iti city camp lagoon nupay kasta impasiguradona a dengdenggen dagiti constituents ti palagip dagitoy seknan iti panagbasura iti kanal.
Maibasar iti kaudian a datus dagitoy, agarup uppat a tonelada a basura ti inikkatda sipud nangrugi ti panagtudtudona nga intunda ti bagyo a Carina ken Habagat nu sadino dua a truck ti naghakhakot kadagitoy.
Nupay kasta, kinuna ni Cominga nga improving ti panangitarawidwid dagiti masakupan daytoy kadagiti basura-da.
“Nagconconduct kami ti daily information dessimination drive, at the same time, nagcoconduct kami ng weekly, every Saturday clean-up drive.”
Boying Cominga, Captain of Barangay Lower Rock Quarry
Innayon pay ni Cominga a nu awan ti linteg a masurot ket ‘chaos’ wenno gulo ti mapasamak ken tapno maisorwan dagiti tattao.
Kasaruno daytoy ti panakaisubli dagiti nairuar a basura iti nagtaudanda a pagtaengan idi napasaran ti panagtudtudona idi napalpalabas.
Malaksid iti dayta, pakaseknan dagitoy ti maiyan-anod a graba nga agtataud iti construction site ken dagiti ag-ex-excavate a mangitintinnag kadagiti kanal a rason ti panakapunno ti siltation dam iti graba, darat ken pitak.
