BAGUIO CITY – Maragsakan dagiti coffee growers, farmers ken producers gapu iti panakalagip kadagiti produkto a kape babaen iti La Trinidad Coffee Festival sadiay La Trinidad, Benguet.
Ti nasao a festival ket nagrugi idi kalman.
Iti exclusive interview ti Bombo Radyo kenni Mercedes Capas, Coffee Gower ken mangidadaulo iti La Trinadad Arabica Coffee Producer Association (LATACPA), makatultulong ita ti kape tapno ad-adda a manayonan ti pamastrekan dagitoy.
Inyebkas pay ni Capas ti panagyamanna kadagiti ahensiya ken opisina ti agrikultura gapu iti tulong nga agtultuloy a maipapaay kadakuada.
Mainaig iti dayta, dimmakelen ti panaglako iti coffee products iti nasao a municipyo gapu ta karamanen dagiti bisita/turista kadagiti costumers da.
Karaman pay kadagiti costumer da ket dagiti cafe, small business, negosyo center ken daduma pay.
Kabayatanna, maitampok ita nga aldaw ti coffee skills competition nu sadino maipakita ti paglaingan dagiti makipaset iti coffee roasting.//Bombo Jez Lapizar
