BAGUIO CITY–Imbinsa ni Commision on Election Officer-Baguio Atty. John Pul Martin dagiti kwalipikasyon dagiti posible a mangipila iti Certificate of Candidacy dagitoy.
Sigun kenni Martin, kangrunaan a kwalipikasyon ket nasken nga addaan dagitoy iti umno nga edad depende iti posisyon ti gobierno, nagtalinaed ti kandidato iti maysa a tawen iti masakupan ti tumarayan daytoy, rehistrado a bomoto ken 100 a pursyento a Pilipino.
Kinunana a nakalanad amin daytoy iti COC tapnu basaen dagiti agkandidato sakbayda a mangisumitir iti daytoy.
Kabayatanna, impettengna met a madisqualify ken saanda a palubusan a tumaray dagiti karaman iti NARCO list ti pulisya wenno dagiti adda nakairamananda iti amin a klase ti krimen.
Kabayatanna,
Nagpalagip ni Commision on Election Officer Atty. John Pul Martin- Baguio kadagiti agkandidato nga agbalin a naannad iti panangfill-up dagitoy ti Certificate of Candidacy.
Sigun kenni Atty. Martin, mangrugin inton Oktubre 11-17 iti panangipila dagiti agkandidato iti COC.
Gapu iti daytoy, kinunana a nasken a suruten dagiti agkandidato iti umno a format iti panangfill up ti COC tapnu maliklikan iti panakadiskwalipikar dagitoy.
Kinunana a nasken a mangisumitir dagitoy iti pito nga original a kopya iti nasao a forms, original a picture dagiti kandidato ken nasken a nakaseal dagitoy.
