Nangipatungpal iti nagsina nga imbestigasyon ti Commission on Human Rights (CHR) seknan iti napasamak nga engkwentro iti nagbaetan ti Philippine Army ken New People’s Army idiay Negros Occidental idi Abril 19 no sadino 19 ti napapatay.
Sigun iti CHR, adda dagiti ‘inconsistencies’ kadagiti kinasiasino dagiti napapatay nga indibidual.
Impetteng ti militar a rebelde amin dagiti nasao a biktima bayat nga adda dagiti organisasyon a sibilyan dagiti dadduma kadagitoy.
Karaman kadagiti napapatay iti nasao nga engkwentro da Alyssa Alano, community journalist a ni RJ Nichole Ledesma ken Filipino-American activists a da Lyle Prijoles ken Kai Sorem.
Impetteng ti nasao a komisyon a kasapulan ti beripikasyon kadagiti saan a nagtutunos nga statement dagiti dua a benneg isu’t gapunna a kasapulan ti dagos a pannakaipatungpal ti patas ken independent nga imbestigasyon babaen metlaeng iti kooperasyon manipud iti dua a benneg. //bombokaren.c.s
