BAGUIO CITY – Agtaltalinaed a mabigbigbig ti Police Regional Office Cordillera (PROCOR) kas “home of the most disciplined cops” iti pagilian a Pilipinas.
Iti interview ti Bombo Radyo kenni PCol. Marcial Paclibon, Director ti International Affairs Service, kinunana nga ipatpatungpal dagiti personnel ti Police Regional Office Cordillera ti inspeksyon ken audit function kadagiti nagduduma nga opisinada tapno mapagtalinaedda ti tituloda kas “tahanan ng mga disiplinadong kapulisan.”
Impettengna pay a masapul nga agtalinaed a naalibtak ken nakasagana dagiti pulis ti Cordillera nga agresponde iti aniaman nga insidente.
Innayon ni PCol. Paclibon a rumbeng metlaeng nga addaanda ti umdas a mobility, firearms ken investigative equipment.
Impaganetgetna pay a rumbeng nga agtalinaed nga approachable dagiti Cordilleran cops tapnu saan nga agbuteng ti publiko nga umasideg kadagitoy.
Malaksid iti daytoy, kinunana ni PCol. Paclibon a rumbeng a presentable ti patrol ken paltog dagitoy.//Bombo Wilmea Pacpacan
