Nalpasen ti panagsanay ni Cordilleran Mixed Martial Arts Fighter Mariane Mariano para iti debut match daytoy iti ONE Friday Fights 83 inton October 18 idiay Lumpinee Stadium Bangkok, Thailand.
Makalaban ti Cordilleran fighter iti three-round strawweight ti Japanese a ni Norika Ryu.
Iti panakiuman ti Bombo Radyo kenni Mariano,maysa a good match para kenkuana ni Ryu gapu ta naisaganaanna a naimbag ti panakilabanna iti daytoy.
Imbinglay ni Mariano a grappling ken ground game ti pagpigsaan ti kalabanna rason a naan-anay ti panang-adalna iti daytoy iti baet nga striking met ti pagpigsaanna.
Mainaig iti dayta,maysa a karit para iti mixed martial arts fighter ti weight cutting nga inladawanna kas “greatest opponent” nangruna ta addan ti maiyim-implimintar nga hydration test.
It agdama, imet ti agtawen iti tallo pulo ket innem(36) a Cordilleran fighter ti 3-0 a record ken mangnamnama daytoy a maipaayan iti gundaway nga ibagi ti pagilian a Pilipinas it dakdakkel pay a pasalip.//Bombo Rob Dominguez
