BAGUIO CITY – Agtaltalinaed ti nangato a rate ti COVID19 testing iti rehiyon Cordillera
Maibasar iti datos ti Department of Health Cordillera, dumanon iti 2, 177 ti naala nga specimen manipod April 11 agingga 17 ken ngimmato daytoy agingga 2, 375 idi April 18 agingga 24 iti agdama a tawen
Sigun ken Dr. Amelita Pangilinan, assistant regional director ken spokesperson ti DOH CAR, malaksid iti testing ket nailista metlaeng ti rehiyon iti kangatuan a vaccination data nangruna iti Baguio City
Iti agdama, dumanonen iti 1,236,791 dagiti naipaayan iti maysa a dose ti bakuna, 1,163,640 dagiti nailista a fully vaccinated; ken 205,520 dagiti naipaayan iti first booster dose.
Kagiddan iti dayta, mangnamnama dagitoy iti ad-adda a panagngato ti bilang dagiti nabakunaan kagiddan iti panangipaganetgetna iti panagbalin nga epektibo ti bakuna kontra iti COVID19
