--Ads--
BAGUIO CITY – Nabaliwan manen dagiti oras iti panakaipatungpal ti curfew ken liqour ban ditoy Baguio City kabayatan ti General Community Quarantine.
Maibasar iti executive order nga impaulog ni Mayor Benjamin Magalong idi kalman, mangrugi ti curfew ti siudad iti oras ti 12 ti agsapa agingga iti alas kwatrto ti agsapa manipod iti sigud nga 10PM agingga 4-AM nga curfew.
Malaksid iti dayta, mangrugi met iti oras ti 10 ti liqour ban agingga iti oras ti alas 10 ti agsapa.
Epektibo pay ti nasao nga pammilin mangrugi ita nga aldaw, February 22.
Sigun iti lokal a gobierno, paset daytoy ti in-inot a panagbaliw iti operational capacity kadagiti lugarnga adda iti sidong ti general community quarantine.
