BAGUIO CITY – Sumagmamano laeng a mannalon ti naapektaran ti mula-na a sabong bayat ti panagdalapos ti bagyo a Carina ken ti Hagabat.
Iti interview ti Bombo Radyo kenni Andy Colte Sr., miyembro ti Cut Flower Industry – Cordillera, sumagmamano laeng a greenhouse ti nalayos ken naitayab ti bubongna.
Dagiti nakamula a sabong iti agdama ket para iti Holy week inton Nobyembre.
Kabayatanna, kinuna ni Colte a kasapulan a tibkeran ken tarimaanenda a nalaing dagiti greenhouse tapno saan a nakaro a maapektaran ti mula dagitoy bayat ti panagbabagyo.
Iti sabali a bangir a bangir, mangrugi nga agapit dagitoy ti sabong iti bulan ti October 20 agingga iti Holy Week.
Karaman kadagiti ar-aramiden dagiti growers ket panakipasetda kadagiti seminar nga ipatpatungpal ti lokal a gobyerno ken dagiti maseknan nga ahensiya maipapan iti baro a teknolohiya a mabalin nga adaptaren dagitoy para iti pagsayaatan ti mula-da.
Panggepda pay a labanan dagiti maim-import a sabong ditoy Pilipinas rason a kayatda a makaadal iti baro a pamay-an nga aramatenda tapno mapapintas ti mula dagitoy a sabong.
Maipalagip a dagiti maapit a sabong ket maiturturong idiay Manila, Palawan, Bicol, ken daduma pay.
