Nagkiddaw ti Cybercrime Investigation and Coordinating Center (CICC) iti tulong manipud iti Information Technology (IT) seknan iti mannarimaan nga issue ti kinaranggas iti uneg ti pagadalan iti pagilian kasaruno iti maikatlo a kaso ti school shooting incident idiay South Cotabato no sadino naduktalan a ti Grade 9 a suspek ket naessem ken naexpose iti dark web.
Immunan a kinumpirmar ti Department of the Interior and Local Government a ti shooter idiay Banga NHS ken addaan iti depression ken naimpluwensyaan iti dark web.
Sigun met iti CICC, dagiti linaon ti dark web ket dagiti contents a saan a nalaka a maaccess iti publiko gapu ta kasapulan ditoy ti special software ken expertise tapno maaccess dagitoy.
Impetteng pay dagitoy a kaaduan a linaon ti nasao a web ket mainaig kadagiti iligal nga aktibidad.
Gapu iti dayta, nagballaag ti nasao nga ahensya kadagiti nagannak nga obserbaranda dagiti annakda ken kanayun nga imonitorda dagiti online activities dagitoy tapno adadda a maigiyada a nasayaat dagiti annakda ken maliklikan a mailumlom dagitoy kadagiti saan a nasayaat a social media contents.
