BAGUIO CITY- Agtalek ni DA-Cordillera nga ituloy a tutukan dagiti baru nga opisyal iti rehiyon ken iti Kongreso ti isyu ti smuggling kadagiti nateng saan laeng nga iti Cordillera ngem iti intero a pagilian.
Iti interview ti Bombo Radyo Baguio kenni Regional Director Cameron Odsey, imbinglayna ti naobserbaranna kabayatan ti panagsukimat ti nasyonal a gobierno iti isyu ti panakaipuslit dagiti nateng.
Kinunanana nga agtaltalinaed a kurang ti police powers wenno bileg ti DA tapnu maisakad dagiti apela a mangrisot iti nasao nga isyu.
Inaklonna a nasken nga adda ti mabaliwan kadagiti agdama a paglintegan ti pagilian maipapan iti isyu ti smuggling kadagiti nateng tapnu saan a nakaro a marigatan dagiti mannalon.
Mangnamnama daytoy iti agtultuloy a tulong dagiti Kongresista a mangbukel ti polisya nga agserbi kas ngiwat dagiti mannalon.
Gapu iti daytoy, kidkiddawenna met kadagiti mannalon ken stakeholders nga ituloyda a mangwanawan
