--Ads--
Palso a damag sigun kenni sigud a Presidential Spokesperson Atty.Harry Roque ti agwarwaras ita a nawaya-wayaanen ni sigud a president Rodrigo Duterte manipod iti panakaibalud daytoy iti detention facility iti International Criminal Court (ICC) idiay The Hague, Netherlands.
Sigun kenni Atty. Roque, awan pay ti desisyon iti international tribunal iti makidkiddaw nga interim release ti sigud a presidente.
Mainaig iti dayta, impetteng met ti ICC-accredited lawyer a ni Atty. Joel Butuyan a palso metlaeng ti damag a naaprubaranen ti interim release ni FPRRD.
Sigun kenkuana, ingagara dagiti daduma a mangsupsuporta kenni Duterte nga allilawen ti publiko babaen iti panangiwaras iti palso nga impormasyon.
