BAGUIO CITY – Manarimaan ti imbestigasyon ti Bureau of Fire Protection – Baguio iti danyos ken rason ti panakauram ti maikatlo a kadsaaran iti maysa a balay idiay Purok 25, Upper San Carlos Heights, Baguio City ita laeng nga aldaw, Setyembre 19.
Sigun iti maysa a kadagiti maysa a nakakita, agdigdigus daytoy idi napasamak ti uram a nagtaud iti maysa a kwarto dagitoy iti pasado alasa sais.
Pinadasna a sinebseban ti apoy ngem dagus a nagramaram rason a rimmuar ken nagkiddaw ti tulong kadagiti kaarruba dagitoy.
Gapu iti dayta, nauram ti maikatlo a kadsaaran iti nasao a pagtaengan dagitoy.
Naideklara ti fire out iti 8:10 ti agsapa.
Awan ti nadangran nga indibidual.
Kabayatanna, nagtinnulong a nagresponde ti Bureau of Fire Protection – Baguio, kameng dagiti pulisya iti siudad, water delivery firms, ken volunteers.
