Dumanon iti nasurok Php367,115.37 ti danyos nga intunda ni Bagyong Kristine iti Benguet Electric Cooperative (BENECO).
Iti panakiuman ti Bombo Radyo kenni Laarni Ilagan, Community Relations Associate iti Benguet Electric Cooperative(BENECO), adda ti naapektaran nga innem a primary poles,dua a transformers, ken protection fuses.
Karaman kadagiti manarimaan nga isimsimpa dagiti linemen ti Feeder 10 ken Feeder 7.
Sigun kenni Ilagan, kaadwan kadagiti isimsimpada ket damaged poles nu sadino, maysa laeng ti nairekord manipod iti Baguio City.
Nupay kasta, agyamyaman ni Ilagan iti saan unay a nakaro nga panakapasar iti saan a nasayaat nga epekto ti panagdalapos ni Bagyong Kristine iti Probinsya iti Benguet.
Kagiddan dayta, impeksa ti opisyal ti panang-apresiarna iti panagregget dagiti Consumer Welfare Officers iti nadakamat a kooperatiba, kasta met ti kooperasyon dagiti member-consumer.
Kabayatanna, awan met ti naawat dagitoy a prank calls bayat ti panagdalapos ti bagyo seknan dagiti parikut iti linya iti kuryente.
Iti agdama, agtaltalinaed a nakaipasidong iti red alert ti Benguet Electric Cooperative nu sadino, adda paylaeng iti unstable power supply.
Iti baet dayta, impasigurado ni Ilagan nga agtaltalinaed a nakaalerto dagiti kameng ti Technical Services Department ken dagiti linemen para iti panagresponde dagitoy.//Bombo Rob Dominguez
