Imimbestigaran ita ti Philippine National Police ti posible a data breach iti logistics, data, information ken management system dagitoy, kalpasan a naipadamag idi kalman ti maipagarup a breach kadagiti nasao a sistema.
Gapu iti dayta, dagus nga inniddep dagiti IT officials ti nasao nga ahensia dagiti sytems, tapno maliklikan ti panakadadael daytoy.
Maibasar iti initial assessment dagiti otoridad, awan ti na-monitor dagitoy a data breach.
Nupay kasta, impetteng ni Police Colonel Jean Fajardo, panakangiwat ti Philippine National Police, nga ituloy dagiti cyber response team ti assessment ken imbestigasionda iti mapapati nga insidente agsipudta, naglaon ti sistema kadagiti napateg a datos maipapan kadagiti logistical resources ti nasao nga ahensia.
