Kinumpirmar ni Senate President Sherwin “Win” Gatchalian a mabalin a ma-contempt ni Davao City Mayor Sebastian “Baste” Duterte iti kanito a saan a dumar-ay iti impeachment trial ti kabsat daytoy a Vice President Sara Duterte.
Naipaulog ti subpoena kontra iti Mayor, kalpasan a naduktalan a nakagun-od iti P30 million a kontrata ti gobienro ti GenCorp Industries Inc., maysa a negosyo ni VP Duterte a naibasar iti Statements of Assets, Liabilities and Net Worth (SALN) daytoy.
Sigun kenni Gatchalian, adda ti bileg dagitoy a mangipaulog iti contempt iti kanito a saan nga agparang ni Duterte.
Nupay kasta, inyunay-unay daytoy a kitaenda pay nga umuna no valid ti rason ti Mayor.
Kabayatanna, awan paylaeng ti naawat dagitoy no dumar-ay ni Baste iti nasao a panagdengngeg.
