Binabalaw ken inlunod ni Davao City Mayor Sebastian “Baste” Duterte ni President Ferdinand “Bongbong” Marcos Jr. kalpasan a naiturong ti amana a ni sigud a President Rodrigo Duterte idiay The Hague sadiay The Netherlands tapno sumango iti kaso a krimen kontra iti sangatauan.
Iti panagbitlana bayat ti maika-walopulo ket walo nga Araw ng Dabaw, kinuna ni Baste nga inkararagna a maileppas ni President Marcos ti terminona kas chief executive, tapno lumabanda met kalpasan ti mapapati nga iligal a pannakakemmeg ti amana.
“I will take this opportunity to tell Mr. Marcos how I feel about him. Mr. President Marcos, you will never be loved, especially to us who are calling out Rody Duterte’s name. You will never be loved, Mr. Marcos.”
“We will stand up and we will fight back.”
“Aside from not being loved by the people, all you have is government resources and your term. Beyond that, you are nothing.”
Davao City Mayor Sebastian “Baste” Duterte
Impaganetgetna pay a saanda pulos a maayat ni President Marcos Jr.
Awan met ti komento ti Malakanyang seknan iti nasao a banag.
Maipalagip a kinemmeg dagiti otoridad ni sigud a President Duterte idi Martes idi nakasangpaet daytoy iti Manila manipod idiay Hong Kong.
Dagos a naiturong ti agtawen ti pito pulo ket siam a sigud a presidente idiay The Hague Penitentiary Institution wenno iti Scheveningen Prison idiay Netherlands tapno sumango iti International Criminal Court (ICC).
