Kinumpirmar ni Senator Robin Padilla nga opisyalen a naapointaran ni Davao City Mayor Sebastian “Baste” Duterte kas baro a dadaulo ti Partido Demokratiko Pilipino (PDP) Laban.
Iti impablaak ti nasao a senador iti social media account daytoy, makita ti panagsapata ni Mayor Baste kas baro a dadaulo.
Maipalagip a nagserbi ni Mayor Baste kas acting president iti nasao a partido idi napalabas a Hunyo kalpasan a nag-leave ni Senator Robin Padilla tapno agpokus pay laeng iti trabaho na kas senador.
“The Mayor of Davao City has been officially appointed as President of PDP-Laban! Brother of the Vice President and son of former President Rodrigo Roa Duterte. Long live Mr. Sebastian ‘Baste’ Duterte!!” sigun iti pablaak ti senador.
Nabutosan ni Baste kas bise mayor idi napalabas a tawen ngem sinublat daytoy ti posisyon ti nangabak a mayor a ni sigud a president Rodrigo Duterte gapu iti panangarestar kenkuana iti International Criminal Court. //bombokaren.c.s.
