Inwaragawag ti Department of Labor and Employment (DOLE) iti panagdengngeg ti House Legislative Energy Action Development (LEAD) Committee nga adadda a pinalawada ti P1.2 Bilyon a TUPAD Tuloy Pasada Program tapno mairaman saan laeng a dagiti drayber ti jeep nu di ket pati dagiti paddlers, operators ti motorized bangka, ken tricycle drivers nga apektado iti panagngato ti presyo ti produkto a petrolyo.
Sigun kenni DOLE Undersecretary Ernesto Bitonio, naisaganan ti ahensiya ti panangamyendar iti programa sakbay pay a naideklara ti state of energy emergency.
Innayon daytoy a sakbay pay laeng a maiparuwar ti Executive Order No. 110 idi napalabas a bulan, rinugiananen ti DOLE nga irealign dagiti programa daytoy.
Nangilatang met ti umuna nasao nga ahensya ti P1.2 – Bilyon manipud iti Integrated Livelihood and Emergency Employment Program tapno malabanan ti epekto ti krisis.
Inlawlawag pay daytoy nga inununada a tinutokan ti sektor ti transportasyon gapu ta napateg nga agtultuloy latta dagitoy nga agpasada. //bombokaren.c.s
