BAGUIO CITY- Impetteng ni Mr. Mike Cabangon, mangidadaulo iti Kilusang Mayo Uno nga awan ti nagbaliwan ti kasaad dagiti mangmangged iti rehion Cordillera.
Sigun kenkuana, ad-adda kimarkaro ti rigat dagiti mangmangged iti rehion gapu iti kinaawan ti husto a serbisyo publiko para kadagitoy.
Kabayatanna, nangisubmitir ti nasao a grupo iti petesion letter iti Department of Labor and Employment (DOLE) ken provincial board ti Benguet.
Sigun kenni Mr. Cabangon, nakalanad iti petisionda ti P100 a kanayunan a panagngato ti sweldo iti rehion; panagkiddawda iti subsidiya kadagiti Micro, Small, and Medium Enterprises (MSME’s) ken dadduma pay.
Namnamaenda met a maaprobaran dagiti kiddawda iti Regional Tripartite Wages and Productivity Board (RTWPB).
Sigun kenni Mr. Cabangon, saan nga umdas ti inaldaw a sweldo dagiti mangmangged iti rehion gapu iti panagngato dagiti tagilako, pamasahe ken dadduma pay.
Gapu iti dayta, kidkiddawenda amin dagitoy para iti pagsayaatan dagiti mangmangged iti rehion.//mp4
