Impakaammo ti Department of Labor and Employment (DOLE) a saan a posible ti P600.00 a ‘dagdag sahod’ para kadagiti minimun wage earner idiay Metro Manila iti baet ti kiddaw dagiti mangmangged a P1,200 nga inaldaw a minimun wage.
Sigun kenni DOLE spokersperson ken Assistance Secretary Lennard Serrano, adda ti otoridad ti Regional Tripartate Wage and Productivity Board (RTWPB) iti National Capital Region nga agdesisyon iti anyaman a panagbaliw iti sweldo.
Innayon pay daytoy a nakaawat ti opisinada ti 16 a petisyon para iti wage increase.
Iti agdama, adda iti P695 ti minimum wage iti non-agricultural sector idiay Metro Manila kalpasan a nanayunan daytoy ti P50 idi napalabas a tawen.
Sigun kenni Serrano, dumalan pay dagitoy iti konsultasyon ken padengdengeg ken posible a mairuwarda ti pangeddeng inton Hulyo.
Inlawlawag met ti opisina a ti panagbaliw ti sweldo iti maysa a rehiyon ket desisyonan ti Regional Tripartate Wage and Productivity Board (RTWPB) a pakabuklan ti Department of Labor and Employment, Department of Trade and Industry, ken Department of Economy, Planning, and Development, pakairamanan ti labor ken employer groups. //bombokaren.c.s
