Mangideploy ti Department of Labor and Employment (DOLE) iti agarup 240,000 workers tapno tumulong iti panangisimpa kadagiti pagadalan kagiddan iti umadani a panagrugi manen iti School Year 2026-2027.
Mangrugi ti deployment dagitoy inton Hunyo 1, maysa a lawas sakbay iti aktwal a panagrugi iti skwela.
Sigun kenni DOLE Secretary Francis Tolentino, maideploy dagitoy kadagiti nagduduma a lugar tapno mangitarimaan dagiti pasilidad , building, ken aglinis iti aglawlaw ti skwelaan.
Idaulon ti Department of Education (DepEd) ti koordinasyon para iti deployment dagiti workers.
Sigun kenni DOLE Sec. Tolentino, maisayangkat daytoy iti sidung ti Tulong Panghanapbuhay sa Ating Displaced Workers (TUPAD) program.
Innayon pay daytoy a parehas a agnumar dagiti pagadalan ken mangmangged gapu ta maipaayanda iti sweldo bayat nga iti met benneg dagiti skwelaan, adda ti makadua nga aglinis ken mangisagana iti pagadalan para iti umadani a panangskwela. //bombokaren.c.sapirao
