SAUDI ARABIA- Dumanonen iti 922 ti death toll bayat a dagiti dadduma ket mapukpukaw bayat ti annual ritials a hajj pilgrimage idiay Saudi gapu iti nakaro a kinabara ti panawen.
Nakipasetan daytoy ti agarup 1.8 million nga indibidual manipud iti intero a lubong.
Ti hajj ket maysa kadagiti lima a pillars ti Islams isu’t gapuna a kasapulan daytoy a kompletuen dagiti amin a Muslim iti intero a lubong.
Kaaduan kadagiti pimmusay ket manipud Jordan, Indonesia, Iran, Senegal, Tunisia, Iraq ken dadduma pay.
Maibasar iti report, manarimaan ti panagbiruk dagitoy kadagiti dua pulo nga indibidual, ngem pakabuklan iti 80 nga indibidual ti naireport a mapukpukaw.
Kabayatanna, nasurok 2700 a kaso ti nailista idiay gapu iti heat exhaustion.
Maipalagip a napasaran ita a lawas idiay Saudi Arabia ti nakaro a temperatura a dumanon iti 51.8 degrees Celsius partikular iti Mecca, maysa a holliest City dagiti Islam.//Rose
