Ngimmato iti dandani uppat a pulo ti death toll iti Maha Kumbh Mela stampede bayat ti Hindu festival maysa a maibilbilang a kadakkelan a religious gathering iti sangalubungan a nakipasetan dagiti agarup 400 million nga indibidual sadiay Nothern India.
Sigun iti State Government official a ni Akanksha Rana, napasamak ti insidente kalpasan a nadadael ti alad a nakaisayangkatan ti nasao a religous gathering.
Gapu iti dayta, nagdidinuron dagiti tattao a nangitunda iti ipupusay ken pannakadangran dagiti sumagmamano nga indibidual.
Malaksid iti dayta, nagcollapse pay dagiti dadduma gapu iti suffocation bayat a dagiti dadduma a pimmusay ket gapu iti heart attacks ken dadduma pay.
Dagus met a naiturong dagiti nadangran iti pagagasan bayat a dagiti pimmusay ket naiturong iti hospital morgue sadiay.
Iti agdama, saan pay a nabigbig dagiti dadduma a bangkay dagiti nasao a pimmusay.
Kabayatanna, inyebkas met ni Prime Minister Narendra ti pannakipagladingitna kadagiti pamilya dagiti pimmusay.
