Dumanonen iti 124 ti death toll iti nagcollapse a nightclub sadiay Dominican Republic.
Malaksid iti dayta, 150 nga indibidual ti naispal manipud iti daytoy.
Makita met ti danag ken ladingit dagiti pamilya dagiti biktima no sadino magagaran dagitoy a makakita kadagiti annak ken pamilyada.
Sigun kenni Juan Manuel Mendez, dadaulo iti emergency operations center sadiay, kasapulan dagitoy iti 24 agingga 36 nga oras tapno makompleto ti panagbirokda kadagiti biktima.
Kabayatanna, karaman kadagiti pimmusay iti daytoy ket da Pitcher Octavio Dotel ken slugger Tony Blanco, agpada a Major League Baseball players.
Malaksid iti dayta, maysa metlaeng kadagiti biktima iti daytoy ni Nelsy Cruz ti kabsat ti sigud nga MLB player seven-time All-Star a ni Nelson Cruz.
