--Ads--
Ngimmato iti 110 ti death toll iti pagilian bayat a dumanon iti 42 nga indibidual ti mapukpukaw kalpasan ti panagdalapos ti bagyo a Kristine.
Daytoy ket sigun iti National Disaster Risk Reduction and Management Council (NDRRMC).
Ti bagyo a Kristine ti mabigbigbig kas “deadliest storm” iti Southeast Asia ita a tawen gapu ta ado dagiti nagbalin a casualties.
Kaaduan kadagiti pimmusay ket gapu iti landslides, panaglayos, electrocution ken daduma pay.
Pakabuklan iti 5.7 million a tattao wenno 1.4 million a pamilya ti naapektaran iti daytoy ken agarup 25,000 a babbalay ti nailista a partially damaged bayat a 2,000 ti totally damaged.
Kabayatanna, inkari ni President Ferdinand Marcos Jr. nga addan ti tulong a naisagana kadagiti naapektaran iti bagyo.
