--Ads--
Dumanonen iti dua pulo ket uppat ti death toll iti manarimaan a wildfire iti South Eastern Region sadiay South Korea.
Pakairamanan daytoy ti maysa a piloto kalpasan a nagcrash ti aircraft a naglugananna bayat ti panagsebsebda iti nasao nga uram.
Malaksid iti dayta, napilitan pay a nagbakwit dagiti 27,000 nga indibidual manipud kadagiti pagtaengan daytoy.
Napilitan metlaeng a nagrekep dagiti pagadalan sadiay kasta metten a naiyakar dagiti ginasgasut a balud iti dadduma a pagbaludan.
Impetteng met ni Acting President Han Duck-soo a nangideploy dagitoy kadagiti amin nga available a personnel ken equipment para iti dagus a pannakasebseb ti nasao nga uram.
Iti agdama, dumanonen iti 15,000 nga ektarya ti nauram a disso iti nasao a lugar.
