Nagun-od iti siudad ti Baguio ti Top 2 bayat a Top 1 ti Team Pasig, ken Top 3 ti Team Quezon City maibasar iti kaudian a listaan iti Philippine Sports Commission para iti manarimaan a Batang Pinoy 2024 idiay Puerto Princesa, Palawan.
Iti pakiuman iti Bombo Radyo kenni Gaudencio “Guds” Gonzales, City Sports and Development Officer iti Baguio City, kinunana a dakkel ti gundaway iti team Baguio a madipensaran ti titulo dagitoy kas kampeon iti 2023 Batang Pinoy.
Sigun kenkuana,dakkel a kalaban iti Team Baguio ti Team Pasig nga addaan iti 771 a delegado.
Nupay kasta, mangnamnama daytoy a madipensaran ti siudad ti titulo daytoy.
Iti agdama, nagun-od ti siudad iti Baguio ti walo a balitok a medalya iti Archery, innem a gold medals iti Judo, siam a bronze medal, siam a silver medals ken iti teakwondo a lima a gold medals nu sadino posible a manayunan pay daytoy gaputa narimaan paylaeng ti ay-ayam dagiti dadduma nga atleta.
Kabayatanna, karit kadagiti ti panagsagana dagitoy tunggal agsapa.
Malaksid iti dayta, sumagmamano kadagiti delegado iti siudad ti naikawa iti napudot a klima sadiay.// Bombo mp4
