Pinaayaban ti Department of Foreign Affairs ita nga aldaw ni Chinese Embassy of Manila Deputy Chief of Mission Zhou Zhiyong gapu iti insidente a panagbomba ti danum idiay Scarborough Shoal wenno pagaammo metlaeng kas Bajo de Masinloc.
Sigun kenni Department of Foreign Affairs spokesperson Teresita Daza, kontra ti gobierno ti Pilipinas iti agresibo nga addang nga ipatpatungpal ti China Coast Guard ken Chinese Maritime Militia kontra kadagiti barko ti Pilipinas a kas ti “harassment”, “ramming”, “swarming”, “shadowing”, “blocking”, ken panagbombada ti danum.
Maipalagip nga ti insidente ket napasamak idi Martes nu sadinno binombaan ti China Coast Guard dagiti Philippine civilian vessels a paturong idiay Scarborough Shoal para iti supply mission dagitoy.
Ti barko ti Philippine Coast Guard (PCG) vessel a BRP Bagacay ket nadadael ti “canopy” ken “steel railing” gapu iti panagbomba ti dua a daddakkel a China Coast Guard.
Malaksid iti dayta, nadadael pay ti Bureau of Fisheries and Aquatic Resources (BFAR) vessel a BRP Bankaw a paset metlaeng ti misyon a binombaan metlaeng ti Chinese vessels.
