BAGUIO CITY – Nagpakdaar ti Department of Health – Cordillera kadagiti nagannak nga aywananda dagiti ubbing ita a summer season kagiddan ti manamnama a nakaro nga epekto ti El Niño phenomenon.
Sigun kenni Dr. Jennelyn Joyce Pira, saanda a liplipatan a pabalunen dagitoy ti danom, payong ken kallugong.
Saanda met unay a pagay-ayamen dagitoy iti nabayag nga oras a nakababad iti nakaro a singising ti init.
Malaksid iti dayta, inyunay-unayna a nu mabalbalin ket liklikanda pay a pagay-ayamen dagitoy ti outdoor sports.
Mapalpalagipan metlaeng dagiti construction workers wenno outdoor workers nga agbalonda ti danom ken agaramatda ti protection kontra iti init.
Iti sabali a bangir, mabalbalakadan ti publiko kontra iti heat stroke gapu ta mabalin daytoy a mangpataud ti permanent disability wenno death nu saan a dagus a malabanan.
Dagiti warning signs ket nabara a marikrikna, dry skin ken high body temperature, dizziness, confusion, strange behavior or unconsciousness, napartak a panagpitik ti puso ken headache.
Maipalpalagip pay a kanayon nga aginum ti adu a danum tapno maliklikan ti dehydration.//Bombo Jerwin Aquino
