Pinaglibakan dagiti nangato nga opisial manipod iti Department of Justice, ti Philippine National Police, ken dadduma pay nga ahensia ti gobierno ti panagtulongda kadagiti kameng ti International Criminal Court, a naamuan a nagturong iti Pilipinas tapno mangala ti dokumento nga agbalin nga ebidensia.
Daytoy ket sigun ken da Justice Secretary Jesus Crispin โBoyingโ Remulla ken PNP Chief Police General Rommel Marbil bayat ti agtultuloy nga imbestigasion ti Senate foreign relations committee seknan iti pannakakemmeg ni sigud a President Rodrigo Duterte.ย
Kinuwestunar ni Senador Imee Marcos dagiti nasao nga opisial nu nakitinnulong dagitoy iti International Criminal Court gaputa para kenkuana, saanna a patien a makaala a dagos dagiti gangannaet ti dokumento iti presinto dagiti pulis kontra iti sigud a presidente.
Kas sungbat, kinuna ni Remulla a saan a Department of Justice ti timmulong kadagitoy, ngem imbutaktakna a posible nga adda ti maysa a padi a timmulong a nabayagnan nga am-ammo.
Para met kenni Marbil, kinunana nga awan ti ammona iti “arrangement” para kadagiti kameng ti International Criminal Court.
Impasiguradon met nga imbestigaranda ti nasao a banag.
ย
