Binabalaw ti Commission on Audit (COA) ti Department of Tourism (DOT) gapu iti procurement lapses daytoy a dumanon iti agarup P20.85 million idi 2024.
Maibasar iti 2024 annual audit report ti COA, maatap a saan a tinungpal ti DOT ti umno a proseso iti Government Procurement Reform Act a nakaapektar iti transparency ken accountability dagiti kontrata.
Naduktalan ti sumagmamano a parikot iti opisina ti nasao nga ahensia iti National Capital Region no sadino, maatap a gimmatang ti DOT iti airline tickets babaen iti Small Value Procurement imbes a Direct Retail Purchase.
Naduktalan a dumanon iti P661,035.18 ti nagastos ti DOT iti panagatang iti plane tickets.
Malaksid iti daytoy, inaprobaran pay ti DOT ti supplemental agreements iti opisinana iti Cordillera Administrative Region (CAR) a limmabes iti 10% 10% increase iti taraon para kadagiti training participants.
Sumagmamano pay a procurements ti maatap nga awanan iti dokumento, transaction splitting, ken adda ti negosasion dagitoy kadagiti saan a kualipikado a supplier, nalabes a panaggasto iti panagsanay, venue, ken panagabang iti lugan.
