--Ads--
BAGUIO CITY – Nakemmeg ti maysa a lalaki kalpasan iti buy-bust operation nga insayangkat dagiti pulis iti maysa a pasdek sadiay General Luna, Baguio City idi kalman.
Nabigbig daytoy a ni Rizalde Osiyang, naasawaan, designer ken residente iti Lower General Luna.
Nakumpiskar kenkuana ti dua a pakete a mapapati a shabu, ti buy-bust money, ti cellphone a naaramat iti transaksion ken sumagmamano a drug paraphernalia.
Sumangsango ita ni Osiyang iti kaso a panaglabsing iti RA 9165 wenno ti Comprehensive Dangerous Drugs Act of 2002. (with Bombo Brigitte Marcasi)
