Intantan pay laeng ti Sandiganbayan Third Division ti panangiruwar ti desisyon iti petisyon iti panagpiyansa ni sigud a senator Ramon ‘Bong’ Revilla Jr. ken innem pay a co-accused daytoy iti kaso a malversation of public funds.
Ti nasao a kaso ket adda pakainaiganna iti maatap a naanomalyaan a flood control project nga agatad iti P92.8 milyon idiay Pandi, Bulacan.
Sigun iti nasao a korte, mailaylayon ti 30 nga aldaw ti panangresolba kadagiti petisyon manipud Mayo 7, 2026 gapu iti kaadu dagiti rekord ken restimonya a kasapulan a maadal.
Karaman kadagiti co-accused ni Revilla ket dagiti sigud nga opisyal ken engineer manipud iti Department of Public Works and Highways pakairamanan ti sumagmamano nga accountant ti nasao a proyekto. //bombokaren.c.s
