Nagballaag ti Department of Health (DOH) iti publiko tapno liklikanda ti panangkiss wenno i-kiss dagiti taraken dagitoy nga ayup kas ti pusa ken aso uray nabakunaan dagitoy kagiddan ti panagngato ti kaso iti human rabbies.
Sigun kenni Health Assistant Secretary Albert Domingo, narisgo wenno delikado dagiti katay dagiti ayup apaman a maiyakar daytoy iti maysa nga indibidual gapu ta mabalin a mangitunda daytoy ti panagakar iti rabbies.
Inlawlawagna a maagasan dagiti gakat ti ayup ngem mabalin a saan a dagus a maikkat ti rabbies depende iti bite mark ti ayup.
Gapu iti daytoy, impaganetgetna a napateg unay nga umasideg a dagus kadagiti health professional tapno macheck-up da partikular no adda sintomasna daytoy.
Nagballaag pay ti Department of Health iti kadagiti pet owners a siguraduenda nga ipabakuna dagiti taraken dagitoy kontra iti rabies.
Kabayatanna, maipalagip a dumanonen iti 169 a kaso ti human rabies ti nairekord manipud Enero agingga Mayo no sadino nangatngato daytoy manipud iti kaso idi napalabas a tawen iti kapada metlaeng a bulan.
