Imbilin ni Department of Justice (DOJ) Secretary Jesus Crispin Remulla ti pannakabukel ti inter-agency task force a magrisut kadagiti kaso ti kidnapping.
Sigun kenni Remulla, kayat ni President Ferdinand Marcos Jr. a ti nasao a task force ti mangrisut ti sitwasion iti baet dagiti kaudian a kaso ti kidnapping iti Pilipinas.
Ti task force ket buklen ti DOJ, National Bureau of Investigation (NBI), ken ti Philippine National Police (PNP).
Kinuna ni NBI Director Jaime Santiago a babaen ti pannakabukel ti task force, saan a maalarma dagiti tattao.
Dinakamat met ni Philippine National Police Chief of Staff General Rommel Marbil a manarimaan ti imbestigasion dagiti otoridad iti pannakapapatay ti businessman a ni Anson Tan.
Kabayatanna, maiyuswat iti kabiitan a panawen ti hotline para kadagiti tips wenno report maipapan kadagiti kaso ti kidnapping, sigun iti maysa nga opisial.
