--Ads--
Inlaksid ni Department of Public Works and Highways (DPWH) Secretary Vince Dizon ti alegasyon a posible nga agkandidato daytoy intun 2028 National Elections.
Sigun kenni Dizon, ti masansan nga inspeksion nga isaysayangkat dagitoy kenni Transportation Secretary Giovanni “Banoy” Lopez ket saan a para iti publicity wenno panagkampania no di ket tapno masigurado ti napartak a pannakaileppas dagiti nataktak a proyekto.
Impaganetget ni Dizon a kasapulan ti nainget a panangimaton kadagiti proyekto gapu iti maatap a kinaawan ti “sense of urgency” dagiti sumagmamano nga opisial.
Innayon daytoy nga adda dagiti proyekto a mabalin a maileppas iti 45 nga aldaw agingga iti innem a bulan no nainget ti pannakaiwanawan dagitoy.
