BUGUIAS, BENGUET- Nag-areglo dagiti driver dagiti tallo a lugan a nagdidinnungpar sadiay Bayoyo, Buyacaoan, Buguias, Benguet, itay ala una iti malem ita nga aldaw.
Iti pannakiuman ti Bombo ti Radyo iti Buguias Municipal Police Station, kinunada a nag-iinnayos dagitoyen gaputa damage to property laeng ti napasaran dagitoy.
Sigun kadakuada, idi nakadanunda iti nakapasamakan ti nasao nga aksidente awanen dagiti nasao a lugan no sadino nagtuloy dagitoy a nagbyahe.
Iti sabali a bangir, kinuna met ti maysa a nakakita iti nasao nga aksidente a napasamak daytoy kalpasan a naigalis ti imanmaneho ti maysa kadagiti driver nga FX gaputa mapapati nga accident prone ti nasao a lugar.
Malaksid iti dayta, agtudtudo pay daytoy a nangitunda metlaeng iti nagalis a kalsada.
Gapu iti dayta, naidungpar daytoy iti kasabatna nga Elf.
Nupay kasta, saan a nakapagpreno ti driver ti van rason a naidungpar met daytoy iti nasao nga FX.
