--Ads--
BAGUIO CITY – Inrikepen ti Department of Social Welfare and Development (DSWD) ti online application dagiti indigent students para iti educational assistance program.
Sigun kenni DSWD Secretary Erwin Tulfo, adon ti aplikante a nagaplikar iti nasao a programa ken saanen a kabaelan ti ahensiya a mangawat pay gaputa limitado ti pondo.
Dinakamatna nga agarup dua a milyon nga estudyante ti nagaplikar para iti educational assistance program.
Iti kaudian a datus, P600 million agingga P800 million ti gatad ti educational assistance a naiwaras kadagiti estudyante.
Iti sidong ti nasao a programa, umawat iti P1-K dagiti elementary student, P2-K iti high school students, P3-K iti senior high school student ken P4-K iti college students.
