--Ads--
BAGUIO CITY – Nakemmeg ti dua a babbai a drug personalities iti buy-bust operation a naisayangkat sadiay Tabbacan, Buguias, Benguet idi kalman.
Nabigbig dagitoy a da Rasmia Balang Ebra, 26-anyos, tubo ti Marawi, Lanao Del Sur ken residente ti Balili, La Trinidad, Benguet ken Sharon Galuba Lorenzana, 46-anyos, tubo ken residente ti Paredes Street, Quezon hill, Baguio City.
Nakumpiskar kadakuada ti 27.37 grams ti maatap a shabu nga aggatad ti nasurok P186-K ken ti cellphone a naaramat iti transaksyon.
Iti agdama, sumangsangon dagiti dua iti kaso a panaglabsing iti RA 9165 wenno iti Comprehensive Dangerous Drugs Act of 2002.
